BAKI, 14 yanvar — Sputnik. Birləşmiş Ştatlar prezidenti Donald Tramp İranla əldə edilən nüvə sazişinə sadiq qalacaqlarını bildirib. Sputnik xəbər verir ki, Ağ Ev administrasiyası İrana qarşı sanksiyaların ləğvinə dair status-kvonu sonuncu dəfə uzadıb.
Bu barədə Ağ Evdən rəsmi bəyanat verilib.
"2015-ci ildə imzalanan nüvə müqaviləsinin sanksiyalara dair maddəsi hələlik ləğv edilməyəcək. Ancaq atdığımız bu addım Tehrana sonuncu xəbərdarlıq. Bu ölkə terrorçulara dəstəyini dərhal kəsməlidir" – bəyanatda qeyd olunub.
