BAKI, 11 yanvar — Sputnik. Azərbaycanda uzun illərdən sonra cizgi filmi çəkilib. Sputnik Azərbaycan xəbər verir ki, "Üç dost" animasiya şirkətinin istehsalı olan "Cırtdan və sehirli xalat" cizgi filminin treyleri "Youtube"da yayımlanıb.
Cizgi filminin ideya müəllifi Müşfiq Hətəmov, rejissorları isə Rəşad Əfəndiyev və Yusif Qabilovdur. Ekran işinin ssenari müəllifi Yusif Şeyxov və Kənan Yusifovdur. "Cırtdan və sehirli xalat"ın yaxın günlərdə nümayiş olunacağı gözlənilir.
