CƏMİYYƏT
Cəmiyyətin həyatında baş verən aktual hadisələr

Şabranda 49 yaşlı kişinin intiharının təfərrüatı

CC0 / angelorosa / PharmacyDərman şüşəsi, arxiv şəkli
Dərman şüşəsi, arxiv şəkli - Sputnik Azərbaycan
Abunə olmaq
Əliyevin intihar etməsinin səbəbi ilə bağlı müxtəlif versiyalar səslənir

Leyla Abdullayeva, Sputnik Azərbaycan

BAKI, 8 yanvar — Sputnik. Şimal bölgəsində növbəti intihar hadisəsi baş verib. Şabran rayon sakini yanvarın 6-da axşam saatlarında canına qəsd edib.

Sputnik Azərbaycan-ın bölgə müxbirinin verdiyi məlumata görə, rayonun Hacıqaraqaşlı kənd sakini, 49 yaşlı Rahib Əliyev mal-qara üçün nəzərdə tutulan kimyəvi dərman içib. Əliyev rayon xəstəxanasına çatdırılsa da, həkimlər onun həyatını qurtara bilməyiblər.

Şeytan ayini keçirən gənclər - Sputnik Azərbaycan
Gənclər “şeytan ayini” keçirib, intihar etdilər

Əliyevin intihar etməsinin səbəbi ilə bağlı müxtəlif versiyalar səslənir. Ailəsindən verilən məlumata görə, ailədə onlarla bərabər Ukrayna vətəndaşı olan başqa bir şəxs də yaşayıb. O, şəxslə mərhum qardaş kimi bir ailədə böyüyüb.

Sözügedən şəxsin şəxsiyyətinin araşdırılması zamanı məlum olub ki, kişi Ukrayna respublikasında çinayətkar qismində axtarışdadır. Bu səbəbdən də hüquq-mühafizə orqanları Rahib Əliyevi cinayət törətmiş şəxsi gizlətmək adı ilə dəfələrlə sorğuya çağırıb. Bu sorğulardan təngə gələn Rahib intihara əl atıb.

Sputnik Azərbaycan-ın əməkdaşı məsələyə aydınlıq gətirmək üçün rayon prokurorluğuna müraciət etsə də, prokurorluqdan məlumat verməkdən imtina ediblər.

Hadisə ilə bağlı Şabran rayon prokurorluğunda AR Cinayət Məcəlləsinin 125-ci maddəsi (özünü öldürmə həddinə çatdırma) ilə cinayət işi açılıb.

Rahib Əliyevin 2 oğlu var.

Xəbər lenti
0