BAKI, 7 yanvar — Sputnik. Məşhur fransız müğənnisi Frans Qall bu gün 71 yaşında vəfat edib.
Sputnik Azərbaycan xəbər verir ki, müğənninin ölümünə onkoloji xəstəlik səbəb olub. Dekabrın ortalarında Qall Paris yaxınlığındakı xəstəxanaya yerləşdirilmişdi.
Əsl adı İzabel Jenevyev Mari Ann Qall olan müğənni öz karyerasına hələ yeniyetməlikdən başlayıb.
1965-ci ildə Frans Qall "Eurovision" mahnı müsabiqəsində "Poupee de cire, poupee de son" kompozisiyası ilə Lüksemburqu təmsil edib və qalib gəlib.
