BAKI, 6 yanvar — Sputnik. Bolqarıstanın şimal-qərb bölgələri ölkədən ayrılmaq barədə referendum keçirməyə hazırlaşırlar. Müstəqillik əldə etdikdən sonra onlar Rumıniyanın tərkibinə daxil olmağa hazırlaşırlar.
Sputnik Azərbaycan-ın məlumatına görə, söhbət Vidin, Vratsa və Montana bölgələrindən gedir. Referendumun təşəbbüskarı Boris Kamenov adlı şəxsdir. Kamenov bu təşəbbüsünün Bolqarıstanda korrupsiyanın səviyyəsinin çox yüksək olması ilə əlaqələndirib. Onun sözlərinə görə, Rumıniyada məhkəmə sistemi və korrupsiya ilə mübarizə daha effektivdir. Həmçinin separatçılar bölgələrdə işsizliyin artmasından narahat olduqlarını bildiriblər.
Bir müddət əvvəl Bolqarıstan prezidenti antikorrupsiya qanununun tətbiqinə veto qoyub.
