BAKI, 3 yanvar — Sputnik. Peruda dəhşətli avtomobil qəzası baş verib.
Sputnik Azərbaycan xarici mətbuata istinadla xəbər verir ki, hadisə Lima şəhərindən 70 km aralıda, dağ yolunda baş verib. Hadisə zamanı avtobusla yük avtomobili toqquşub. Toqquşmadan sonra içində 53 sərnişin olan avtobus 100 metr dərinlikdə dərəyə aşıb.
Məlumata görə, sərnişinlərdən yalnız 6 nəfəri sağ qalıb. Ərazidə təhlükəsizlik qüvvələri meyitləri çıxarmağa çalışır.
