Leyla Abdullayeva, Sputnik Azərbaycan
BAKI, 2 yanvar — Sputnik. Narkotik vasitələrin qanunsuz dövriyyəsinin qarşısının alınması, həmin əməlləri törədən şəxslərin aşkar edilərək məsuliyyətə cəlb olunmaları istiqamətində respublikanın daxili işlər orqanları növbəti uğurlu əməliyyat-axtarış tədbirləri həyata keçirib.
DİN Mətbuat Xidmətinin Quba regional qrupundan Sputnik Azərbaycan-ın bölgə müxbirinə verilən məlumata görə, Xaçmaz RPŞ-nin əməkdaşları tərəfindən keçirilmiş əməliyyat tədbirləri nəticəsində rayon sakini, əvvəllər məhkum olunmuş Ravil Rəcəbov şübhəli şəxs qismində saxlanılaraq PŞ-nə gətirilib.
Saxlanılan şəxsin üzərinə baxış keçirilən zaman əynində olan gödəkcənin cibində bir ədəd gümüşü rəngli kağız bükümü aşkar edilərək götürülüb. Ekspertizaya göndərilən həmin bükülünün 1,165 qram çəkidə narkotik vasitə olan heroin olması barədə rəy verilib.
Faktla bağlı R.Rəcəbov barəsində Xaçmaz RPŞ-nin İB-də cinayət işi başlanılıb, istintaq hərəkətləri davam etdirilir.
