Elvin Abdulla: “Təəssüf ki, kinoteatrlarda bilet alıb baxan tamaşaçıların sayı az oldu”
“Xənnas” Azərbaycanın kino tarixinə düşüb”. Bunu Sputnik Azərbaycan-a açıqlamasında Azərbaycanın ilk qorxu filmi olan “Xənnas”-ın rejissoru Elvin Abdulla deyib.
“Filmə tamaşaçıların marağı olduqca yüksək idi. Ancaq filmə kinoteatrlarda bilet alıb baxan tamaşaçıların sayı az oldu. Filmin insanlar arasında müzakirə edilməsi və tanınması baxımından düşünürəm ki, uğurlu bir iş olub. Filmi izləyən peşəkarlar da filmin özünü yüksək qiymətləndirdilər. İlin ən yaxşı kinoteatr filmi nominasiyasında mükafat bu filmə verildi” — deyə o bildirib.
