BAKI, 30 dekabr — Sputnik. Amerikanın Oreqon ştatında şirniyyatçı cərimə edilib. Sputnik Azərbaycan xarici mətbuata istinadla xəbər verir ki, lesbiyan cütlüyə toy tortu hazırlamaqdan imtina edən şirniyyatçılar 135 min dollar məbləğində cərimə edilib.
Aaron və həyat yoldaşı Melissa Klein dini səbələri əsas gətirərək, Rayçel və Laurel Bouman Kryer cütlüyünə toy tortu hazırlamaqdan imtina ediblər. Oreqon ştatının məhkəməsi isə beş il əvvəl baş verən bu hadisəyə görə şirniyyatçılara böyük məbləğdə cərimə kəsib. Rayçel və Laurel cütlüyü qərardan razı qalıb və Oreqonda heç bir mağazanın qapısına ancaq "hetero cütlüklər girə bilər" yazılmasına icazə verməyəcəklərini bildiriblər.
