Bakıdakı klinikanın həkimlərindən balacalara xeyirxah Yeni il sürprizi

BAKI, 30 dekabr — Sputnik. Bakıdakı Ə.Əliyev adına ADHTİ-nun Plastik və rekonstruktiv cərrahiyyə klinikasının Yanıq bölməsinin kollektivi çox maraqlı bir addıma imza atıb.

Sputnik Azərbaycan-ın əldə etdiyi məlumata görə, kollektiv qarşıdan gələn Yeni il bayramı ilə əlaqədar bölmədə müalicə olunan uşaqlara maraqlı sürpriz edib. Belə ki, müalicə olunan hər bir uşağa Yeni il hədiyyəsi alınaraq onlara təqdim olunub. Bölmə kollektivi hədiyyələri balacalara şəxsən təqdim edib. Bununla da həkimlər balacaları özünəməxsus şəkildə sevindirə biliblər. 

Qeyd edək ki, hazırda 14 uşaq bölmədə müalicə olunur. Onların ən kiçiyi 4 aylıqdır, ən böyüyü isə 15 yaşındadır.