BAKI, 28 dekabr — Sputnik. Əfqanıstanda xəbər agentliyində partlayış olub. Sputnik Azərbaycan Türkiyə mətbuatına istinadla xəbər verir ki, paytaxt Kabildə "Əfqan Səsi" xəbər agentliyinə iki nəfər hücum edib.
Bundan sonra binada partlayış olub. Əfqanıstan Daxili İşlər Nazirliyində olan qaynaqların verdikləri məlumata görə, hadisə zamanı 40-a yaxın insan ölüb, onlarla insan ağır yaralanıb.Ölənlərin sayının artacağı istisna edilmir.
Hadisə şahidlərinin sözlərinə görə, terrorçulardan biri özünü partladıqdan sonra içəri daxil olan ikinci terrorçu binadakıları güllələyib.
Türkiyənin "Anadolu" xəbər agentliyinin də yerləşdiyi "Tabyan" adlanan binada şiə qruplarına aid təşkilatlar yerləşir. Terroru hələlik heç bit təşkilat üzərinə götürməsə də, hadisəni Taliban və ya İŞİD terror qruplaşmalarından birinin həyata keçirdiyi güman edilir.
Xatırladaq ki, İŞİD VƏ Taliban terror təşkilatlarının həyata keçirdiyi hücumlar nəticəsində Əfqanıstanda il ərzində 1000-dən çox adam həyatını itirib.
