BAKI, 27 dekabr — Sputnik. Gələn ildən "WhatsApp" messenceri bəzi əməliyyat sistemlərini dəstəkləməyəcək.
Sputnik Azərbaycan xarici mətbuata istinadən xəbər verir ki, yanvarın 1-dən başlayaraq "WhatsApp" "Windows 8.0" və ondan da əvvəlki əməliyyat sisteminə malik smartfonlarda, eləcə də "BlackBerry OS" və yaxud "BlackBerry 10" markalı mobil telefonlarda işləməyəcək.
Eyni zamanda gələn ildən "WhatsApp" "Nokia S40", 2020-ci ildən isə "Android 2.3.7" bazasında işləyən smartfonlarda da işləməyəcək.
