BAKI, 27 dekabr — Sputnik. "Türk əsgərləri Suriyada gərginliyi azaltma bölgələrində vacib rol oynayır". Bunu Sputnik-ə açıqlamasında Rusiya xarici işlər nazirinin müavini Mixail Boqdanov deyib.
Boqdanov Rusiya, Türkiyə və İran arasında əldə edilən razılığa işarə edərək deyib: "Üç zamin dövlət olaraq Suriyada atəşkəsin təmin olunduğu ərazilərdə təhlükəsizliyi qorumaq məsuliyyətimiz var. Türk əsgərləri də, eynilə rus və iranlı əsgərlər kimi bu missiyanı yerinə yetirirlər. Müqaviləyə əsasən, bu bölgələr 6 ay müddətə qurulub və vəziyyətə görə uzadıla bilər".
"Vəziyyət normala qayıdandan sonra hər üç ölkə hərbçiləri Suriyanı tərk edəcək" – Mixail Boqdanov Sputnik-ə bildirib.
