BAKI, 21 dekabr — Sputnik. Türkiyənin baş naziri Binəli Yıldırım bu gün ABŞ-ın Qüdslə bağlı qərarına dair açıqlama verib. O, ABŞ prezidenti Donald Trampın BMT-dəki məlum səsverməsindən öncə digər ölkə təmsilçilərini təhdid etməsini ən aşağı hərəkət kimi dəyərləndirib. Bu barədə Sputnik Türkiyə məlumat yayıb.
"Tramp siyasətin zibilini çıxarıb. ABŞ özü əleyhinə qərar çıxacağını bildiyi üçün başqa ölkələri təhdid edəcək qədər alçalmış görünür. Onlara bir daha maliyyə yardımı ayırmayacağı ilə hədə gəlir. Hər dövlət müstəqil qərar vermə gücünə sahibdir" — Yıldırım qeyd edib.
