BAKI, 21 dekabr — Sputnik. Misirin "Əl-Əhli" klubunun futbolçuları yenidən qələbələr seriyasına başlamaq üçün stadionda öküz kəsiblər.
Sputnik Azərbaycan xarici mediaya istinadla xəbər verir ki, mərasim komandanın Qahirədəki arenasında keçirilib. Qurban kəsilən öküzün əti kasıblara paylanıb.
Futbolçular 2016-cı ilin iyunundan bu yana milli çempionatda ilk məğlubiyyətdən sonra qurban kəsmək qərarına gəliblər. Çünki məğlubiyyətdən sonra komanda daha bir oyunda heç-heçə edib.
11 turun yekunlarına görə, Qahirə klubu milli çempionatda 3-cü yerdə gedir. "Əl-Əhli" liderlik edən "İsmaili" komandasından 4 xal geri qalır. Amma onların ehtiyatda 2 oyunu var.
