Люди на Площади фонтанов в Баку - Sputnik Azərbaycan
CƏMİYYƏT
Cəmiyyətin həyatında baş verən aktual hadisələr

"Şaxta babalar" o məsumların çağırışına cavab verdilər, siz də qoşulun...

© Sputnik / Murad OrujovYolka Xeyirxahlıq Ağacı xeyriyyə aksiyası
Yolka Xeyirxahlıq Ağacı xeyriyyə aksiyası - Sputnik Azərbaycan
Xəbərlərə abunə olun
Yandex newsTelegram
Onkoloji Mərkəzdə müalicə alan uşaqlar öz Yeni İl arzularını açıqcalara yazıblar, Sputnik Azərbaycan onları yolkadan asıb, xeyirxah insanlar isə onları çox intizarda qoymayıb

BAKI, 20 dekabr — Sputnik. Sputnik Azərbaycan informasiya agentliyi və radiosunun həyata keçirdiyi #YolkaXeyirxahlıqAğacı xeyriyyə aksiyası sürətlə hədəfinə çatmaqdadır.

Artıq Milli Onkologiya Mərkəzinin Uşaq Klinikasında müalicə alan uşaqların Yeni İl arzularının böyük bir hissəsi həyata keçib. Digər hədiyyələr isə Sputnik Azərbaycan-ın redaksiyasına daxil olmaqdadır.

Елка доброты Спутника - Sputnik Azərbaycan
CƏMİYYƏT
Onlar sizi gözləyir: Sputnik Azərbaycan onkoloji xəstə uşaqlar üçün Şaxta Baba axtarır

Sözügedən layihədə Onkologiya Mərkəzinin pasienti olan 18 yaşadək 49 uşaq iştirak edib.

Onlar öz Yeni İl arzularını Sputnik Azərbaycan-ın hazırladığı xüsusi açıqcalara yazaraq "Şaxta Baba"ya göndəriblər. Həmin açıqcalar Sputnik Azərbaycan-ın "Əli və Nino" kitab dükanı (Park Bulvar TM, birinci mərtəbə) və “Bon Appetit” şirniyyat mağazasında (Bülbül prospekti, 36/38, "Nizami" Kino Mərkəzinin yanı) qurduğu Yeni İl yolkasını bəzəyib.

Baxmayaraq ki, sözügedən aksiyaya cəmi bir neçə gün əvvəl — dekabrın 15-də start verilib, artıq o, "Əli və Nino —2" mağazasında uğurla yekunlaşıb. Belə fantastik nəticə Azərbaycanın turizm xidmətləri göstərən “Rantur T.A.” şirkəti sayəsində əldə edilib. Balaca pasientlərin arzularının böyük bir hissəsini həmin şirkət yerinə yetirib.

Beləliklə, dekabrın 20-dək 49 açıqca-mesajdan sadəcə 11-i imzalanmamış qalıb.

Aşağıda uşaqların artıq yerinə yetmiş arzularını təqdim edirik. Açıqca şəklinin üzərinə basmaqla siz özəl Şaxta Babanın adını biləcəksiz.

Xeyriyyə aksiyası davam edir. İstənilən arzu edən şəxs Bon Appetit şirniyyat mağazasına (Bülbül prospekti, 36/38, "Nizami" Kino Mərkəzinin yanı) gedərək yolkadakı açıqcanı götürə və uşaqların arzusunu yerinə yetirə bilər.

Xəbər lenti
0