BAKI, 20 dekabr — Sputnik. Gürcüstanın keçmiş prezidenti, Ukraynanın Odessa vilayətinin keçmiş qubernatoru, “Yeni qüvvələr hərəkatı”nın lideri Mixail Saakaşvili Ukrayna prezidenti Pyotr Poroşenkonu istefaya çağırıb.
Sputnik xəbər verir ki, o, bu barədə “Facebook” səhifəsində yazıb.
“Xalqa etiraf edin ki, siz və ətrafınız Ukraynanı müsbətə doğru dəyişmək istəmirsiniz və buna qadir deyilsiniz. Sizin könüllü istefanız siyasi böhranı aşmaq üçün sonuncu şansdır. Əks halda hər şey daha da qəlizləşəcək” – Saakaşvili qeyd edib.
Keçmiş qubernator prezident administrasiyasının onun şəxsi yazışmasını dərc etməsini və "Oktyabr" sarayı yaxınlığındakı hadisələri təxribat adlandırıb.
