BAKI, 15 dekabr — Sputnik. "Qanunsuz miqrasiya ilə bağlı Azərbaycanda, demək olar ki, problem yoxdur". Bunu Sputnik Azərbaycan Multimedia Mətbuat Mərkəzində təşkil edilmiş tədbirdə Azərbaycan Respublikası Dövlət Miqrasiya Xidməti yanında İctimai Şuranın sədri Azər Allahverənov deyib.
O bildirib ki, Azərbaycanda miqrasiya sahəsində vəziyyət normaldır: "Azərbaycanda dünyanın digər ölkələrində olan aktual və ciddi problemlərin heç birinə rast gəlinmir. Dövlət Miqrasiya Xidməti bu il 10 illik yubileyini keçirib. Bu illər ərzində bir neçə normativ akt və miqrasiya prosesini tənzimləməyə yönəlmiş miqrasiya kodeksi qəbul olunub".
