BAKI, 13 dekabr — Sputnik. Bu gün ABŞ Mərkəzi Bankının (FED) iki günlük dekabr iclası başa çatır. Sputnik Azərbaycan "Bloomberght"ə istinadla xəbər verir ki, FED-in bu axşamkı qərarı dolların durumuna həlledici təsir göstərəcək.
Mütəxəssislər bu toplantıda FED-in faiz artımına gedəcəyinə dair yekdik fikirdədirlər. Həmçinin 2018-ci il ərzində faiz artımının 3 dəfədən 4 dəfəyə qaldırılıb-qaldırılmayacağı da ən çox müzakirə olunan məsələlərdəndir.
FED-in dekabr iclasının yekunları bu gün Bakı vaxtı ilə 23.00-da açıqlanacaq. Bu toplantıda uçot dərəcəsinin 0,25 faiz artırılması gözlənilir.
Bundan əvvəlki iclasda FED uçot dərəcəsini dəyişməyərək illik 1-1,25% səviyyəsində saxlayıb. Dekabr iclasında uçot dərəcəsinin 1,25-1,5% həddinə çatdırılacağı ehtimal olunur.
