BAKI, 13 dekabr — Sputnik. 1991-ci il dekabrın 13-də Pakistan İslam Respublikası Azərbaycanın müstəqilliyini tanıyıb. Sputnik Azərbaycan xəbər verir ki, bu ölkə Türkiyə və Rumıniyadan sonra ölkəmizin müstəqilliyini tanıyan üçüncü dövlət olub.
İki ölkə arasında diplomatik münasibətlər 1992-ci il iyunun 9-da qurulub. Bundan az sonra Bakıda Pakistanın, 1997-ci ilin avqust ayında isə İslamabadda Azərbaycanın daimi nümayəndəliyi açılıb.
Pakistan Qarabağ məsələsində Azərbaycanın haqlı mübarizəsini daim dəstəkləyən ölkələrdən biridir. Nüvə dövləti olan Pakistan Azərbaycanla hərbi sahədə də sıx əməkdaşlıq edir.
