BAKI, 11 dekabr — Sputnik. İki nəfər Suriya vətəndaşının Türkiyəyə qanunsuz yolla mal keçirdiyi xəbərini alan polis dərhal əməliyyat keçirib. Sputnik Azərbaycan "Ensonhaber"-ə istinadən xəbər verir ki, hadisə Adana vilayətinin Seyhan qəsəbəsində yaşanıb.
Türkiyə polisi hərəkətdə olan taksini saxlayaraq müştəriləri yerə endirib. Onların üzərindən Britaniya kraliçası Aleksandrina Viktoriya dövrünə aid, üzərində kraliçanın şəkili olan 750 ədəd qızıl sikkə ələ keçirilib.
Həbs olunaraq polis bölməsinə aparılan 39 yaşlı Ammar Abdullah və 19 yaşlı Əhməd Əbdülrizzak gətirdikləri qızıl pulları dəsmala bükərək Türkiyəyə keçirmək istəyiblər.
Qeyd edək ki, üzərində kraliça Aleksandrina Viktoriyanın yer aldığı qızıl sikkələr 1819-1901-ci illər arsında Britaniyada əsas pul vahidi olub.
