Əli Həsənovun nəvəsinin işinə baxılır

© Sputnik / Murad OrujovБакинский Суд по Тяжким Преступлениям
Бакинский Суд по Тяжким Преступлениям - Sputnik Azərbaycan
Xəbərlərə abunə olun
Yandex newsTelegram
Məhkəmə prosesində ictimaiyyət nümayəndələri və jurnalistlər iştirak edirlər

BAKI, 11 dekabr — Sputnik. Bu gün Bakı Ağır Cinayətlər Məhkəməsində, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyevin məhkəməsi keçirilir. Sputnik Azərbaycan xəbər verir ki, məhkəmə prosesində işə hakim Əhməd Quliyevin sədrliyi ilə baxılır. Məhkəmə prosesində ictimaiyyət nümayəndələri və jurnalistlər iştirak edirlər.

Nail Allahverdiyev - Sputnik Azərbaycan
CƏMİYYƏT
Komitə sədrinin nəvəsi ədalət istəyir: "Barəmdə yazılanlar yalandır"

Hüquq-mühafizə orqanlarının rəsmi məlumatına görə, avqustun 3-ü saat 21:00 radələrində paytaxtın Nərimanov rayonu ərazisində yol qəzası baş verib. Qəza zamanı "Mersedes-Gelandawagen" markalı avtomobilin idarəetməni itirməsi iki nəfərin ölümü və iki nəfərin müxtəlif dərəcəli bədən xəsarətləri alması ilə nəticələnib.

Faktla əlaqədar Cinayət Məcəlləsinin 263.3-cü (yol hərəkəti qaydalarını pozma — iki və daha artıq şəxsin ölümünə səbəb olduqda) maddəsi ilə cinayət işi başlanıb. "Mercedes-Gelandawagen" markalı avtomobilin sürücüsü, Bakı şəhər sakini, 1994-cü il təvəllüdlü Nail Elman oğlu Allahverdiyev barəsində həbs-qətimkan tədbiri seçilib.

Nail Allahverdiyevin vəkili məhkəməyə qəza zamanı xəsarət alan və zərərçəkmiş kimi tanınan Türkiyə vətəndaşları Mutallib Tekiş və onun həyat yoldaşı Songül Tekişlə bağlı yeni sənədlər təqdim edib. Vəkil bildirib ki, qəzada xəsarət alan Türkiyə vətəndaşları məktubda Nail Allahverdiyevdən şikayətçi olmadıqlarını və təzminat hüqüqundan imtina etdiklərini qeyd ediblər.

Hakim isə vəkilin müraciətini nəzərə alaraq məhkəmə istintaqının yenilənməsi ilə bağlı qərar qəbul edib.

Xəbər lenti
0