BAKI, 7 dekabr — Sputnik. Tanınmış müğənni, muğam ifaçısı Aygün Bəylər ailə həyatı qurmağa hazırlaşır. Sputnik Azərbaycan xəbər verir ki, bu barədə onun prodüseri Sultan sosial şəbəkədə yazıb.
O bildirib ki, Aygün Bəylərlə yollarını ayırıb, bundan sonra ona prodüsserlik etməyəcək: "Bəli, bu gündən etibarən Aygün Bəylərlə yollarımı ayırdım. Onun haqqında daha mənə sual verməyin. Dostluq və işbirliyi bitdi".
Xalq artisti Aygün Bəylər
© Photo : AXSAM
"O, seçimini etdi və gələcək həyat yoldaşı ilə xoşbəxtdir. Biz də bir dost kimi xoşbəxt olmağına sevinirik. Toyunda da iştirak etməyəcəm. 5 il idi ki, ustadın ən sadiq, ən güvəndiyi dostu idim, amma bitdi" — deyə Sultan "Facebook" səhifəsində yazıb.
