CƏMİYYƏT
Cəmiyyətin həyatında baş verən aktual hadisələr

Bakıda vətəndaşların gözləmədiyi oldu

© Sputnik / Irade JELILMəhəmməd Hadi küçəsində zibillik
Məhəmməd Hadi küçəsində zibillik - Sputnik Azərbaycan
Abunə olmaq
Məhəmməd Hadi küçəsində qalaqlanmış zibil yarım saata təmizləndi

İradə Cəlil, Sputnik Azərbaycan

BAKI, 6 dekabr — Sputnik. Bu gün yolum Xətai rayonunda "Həzi Aslanov" metrostansiyasının ərazisindən düşmüşdü. Məhəmməd Hadi küçəsində qalaqlanmış zibil qutularını görəndə şəklini çəkməyə başladım. Ərazi sakinləri yaxınlaşıb, ümidsizcəsinə "Nə qədər çəkirsən çək, heç nə olan deyil" dedilər.

Onların sözlərinə görə, dəfələrlə ərazidə zibil qalaqlandığına görə müvafiq qurumlara müraciət edilib. Amma təəssüf olsun ki, bu günə kimi heç bir nəticəsi olmayıb. Ərazidəki zibil həftədən, 10 gündən bir təmizlənir.

© Sputnik / Irade JELILMəhəmməd Hadi küçəsində zibillik
Məhəmməd Hadi küçəsində zibillik - Sputnik Azərbaycan
Məhəmməd Hadi küçəsində zibillik

Sakinlərin iddialarına görə, ərazidəki binalar TİKMAK adlanan şirkətə məxsusdur. Binaların qarşısındakı zibil qutularına isə təkcə bina sakinləri tərəfindən yox, ətraf mağazaların və yaşayış evlərinin zibili də atılır. Təmizləyən isə, demək olar ki, yoxdur.

"Həftədə, 10 gündə, ayda bir dəfə kiminsə yadına düşəndə zibil təmizlənir. Başqa vaxt burada zibil əlindən tərpənmək olmur. Bir balaca külək olan kimi zibil ətrafa səpələnir" — sakinlər bildirirlər.

Məsələ ilə bağlı Ekologiya və Təbii Sərvətlər Nazirliyi (ETSN) ilə əlaqə saxladıq. Nazirliyin Ətraf Mühitin Mühafizəsi Departamentinin sektor müdiri Raqub Mirzəyev məsələ ilə tanış olduqdan sonra əraziyə nazirliyin əməkdaşları göndərildi.

© © Foto Raqub Mirzəyev tərəfindən təqdim olunubEkologiya və Təbii Sərvətlər Nazirliyinin əməkdaşları ərazidəki yığılıb qalmış zibillərin daşınması ilə məşğuldurlar
Ekologiya və Təbii Sərvətlər Nazirliyinin əməkdaşları ərazidəki yığılıb qalmış zibillərin daşınması ilə məşğuldurlar - Sputnik Azərbaycan
Ekologiya və Təbii Sərvətlər Nazirliyinin əməkdaşları ərazidəki yığılıb qalmış zibillərin daşınması ilə məşğuldurlar

Raqub Mirzəyevin sözlərinə görə, Məhəmməd Hadi küçəsi 70, 72, 74, 76 ünvanlarında zibil qalaqları təmizlənir: "Əraziyə nəzarət edən komendanta isə protokol tərtib edilib. Fiziki şəxs Talıblı İsa Xəlil oğlu üçün İnzibati Xətalar Məcəlləsinin 271-ci maddəsinə əsasən protokol tərtib edilib. Şəxs 500-800 manat məbləğində cərimə edilib. Hazırda ərazidə təmizlik işləri gedir".

© © Foto Raqub Mirzəyev tərəfindən təqdim olunubƏrazinin təmizləndikdən sonrakı vəziyyəti
Ərazinin təmizləndikdən sonrakı vəziyyəti - Sputnik Azərbaycan
Ərazinin təmizləndikdən sonrakı vəziyyəti

Xəbər lenti
0