BAKI, 6 dekabr — Sputnik. Xərçəng xəstəliyinə qarşı daha bir önləyici vasitə tapılıb. Sputnik Azərbaycan Türkiyə mətbuatına istinadən xəbər verir ki, gündə bir stəkan kefir içməklə xərçəng xəstəliyinin qarşısını almaq olar.
Mayalanmış süd məhsulu kimi tanınan kefirin sağlamlıq üçün faydaları çoxdur. Həkimlər də insanlara tez-tez kefir içməyi tövsiyyə edirlər.
Bildirilir ki, kefir xərçəng xəstəliyinə qarşı xeyirlidir, asma xəstəliyini qismən aradan qaldırır, həzm sistemini nizamlayır, xalestrolu azaldır, bədənin gənc və gözəl qalmasına kömək edir. Bundan başqa, arıqlamağa yardımçı olur, saçı canlandırır, dərmanların digər fəsadlarını azaldır.
Kefirin faydaları bununla da bitmir: Antibiotik qəbulundan sonra bədəndə olan orqanizm üçün xeyirli mikrobları qoruyur, təzyiqi nizamlayır, qan şəkərini aşağı salır, stresə qarşı xeyirlidir, yuxunu nizamlayır, depressiyadan çıxmağa kömək olur.
