Asim Mollazadə: “Ermənistan beynəlxalq ictimaiyyəti fərqli müstəviyə çəkir”
“Bu saziş Ermənistanın növbəti dəfə beynəlxalq ictimaiyyəti aldatmaq oyunlarının tərkib hissəsidir”. Bunu Sputnik Azərbaycan-a açıqlamasında Demokratik İslahatlar Partiyasının (DİP) sədri, Milli Məclisin Beynəlxalq münasibətlər və parlamentlərarası əlaqələr komitəsinin üzvü Asim Mollazadə deyib.
“Ermənistan öz siyasəti ilə növbəti dəfə beynəlxalq ictimaiyyəti demək olar ki, fərqli bir müstəviyə çəkir. Azərbaycanın isə Avropa İttifaqı ilə çox ciddi, çoxşaxəli tərəfdaşlıq proqramları var. Bu əməkdaşlıq həm Avropa İttifaqının, həm də Azərbaycanın xeyrinə işləyir. Əməkdaşlığı genişləndirəcək qarşılıqlı maraqlar göz önündədir” — deyə o bildirib.
