BAKI, 3 dekabr — Sputnik. Azərbaycanda tanınmış jurnalist Tatyana Çaladze vəfat edib.
Sputnik Azərbaycan APA-ya istinadla xəbər verir ki, Mətbuat Şurasının sədri Əflatun Amaşov Çaladzenin ötən gecə vəfat etdiyini bildirib.
Mərhum jurnalist bu gün Yasamal rayonundakı Qurd qapısı qəbiristanlığında dəfn edilib.
Latviyada anadan olan Çaladze əvvəl yerli qəzetlərdə çalışıb. Qarabağ münaqişəsini işıqlandırmaq üçün 1992-ci ildə Azərbaycana gəlib və cəbhə bölgəsində qəlpə yarası alıb.
O, Dağlıq Qarabağ münaqişəsi ilə bağlı çoxlu sayda məqalə müəllifidir.
2014-cü ildə Tatyana Çaladzenin "Karabaxskaya oteçestvennaya: Oni umirali çestno" kitabı dərc olunub.
Azərbaycan prezidenti İlham Əliyevin sərəncamı ilə 2010-cu ildə T.Çaladzeyə Əməkdar jurnalist adı verilib.
