Leyla Abdullayeva, Sputnik Azərbaycan
BAKI, 2 dekabr – Sputnik. Dünən saat 17:00 radələrində Siyəzən rayonu ərazisində maşın yanıb. Hadisə yerinə gələn polis əməkdaşları daha əvvəl törədilmiş cinayətin üstünü açıblar.
Belə ki, bir müddət əvvəl Siyəzən rayonunun Zarat kənd sakini Elxan Qurbanov həmkəndlisi Seymur İmamquliyevə məxsus “VAZ-21011” markalı avtomobili qaçırıb.
Sputnik Aərbaycan xəbər verir ki, Qurbanov maşını idarə edərkən çəkdiyi siqaretin közü salon hissəsinə düşdüyündən avtomobili yandırıb.
Dərhal hadisə yerinə gələn Siyəzən RPŞ-nin əməkdaşları Qurbanovu saxlayaraq məsuliyyətə cəlb ediblər.
