BAKI, 30 noyabr — Sputnik. Türkiyədə evin damının çökməsi nəticəsində bir ailənin 3 üzvü həyatını itirib. Sputnik Türkiyə xəbər verir ki, hadisə Siirt vilayətinin Şirvan qəsəbəsində güclü yağışa görə baş verib.
Hadisə nəticəsində daha 5 nəfər xəsarət alıb. Səkkiz nəfərin yaşadığı evdə ata Cemal Coşkun, oğulları 5 yaşlı Ömər və 15 yaşlı Yusuf Coşkun dünyasını dəyişib.
Cemal Coşkunun həyat yoldaşı və 4 uşağı qonşuların yardımı ilə dağıntılar altından çıxarılıb. Onlar qəsəbədəki dövlət xəstəxanasına yerləşdiriliblər.
