BAKI, 27 noyabr — Sputnik. Amerika alimləri araşdırma zamanı aşkar ediblər ki, ilk uşağı doğulandan sonra 2 il ərzində ikinci uşağı dünyaya gətirən cütlüklərdə uşaqlar daha tez-tez autizmlə doğulur.
Bu halda risk 50%-dən çoxdur.
Sputnik Azərbaycan saglamolun.az-a istinadən xəbər verir ki, birinci hamiləlikdən sonra qadın orqanizmi orta hesabla 18 ay ərzində bərpa olunur. Bu müddət ərzində qadın orqanizmində hamiləlik və əmizdirmə zamanı "sərf olunmuş" vacib madələrin (məsələn, dəmir, yod və s.) miqdarı öz normasına düşür.
Beləliklə, növbəti hamiləliyi yalnız bu müddətdən, yəni 18 aydan sonra planlaşdırmaq olar. Bu sadə qayda bir çox hamiləlik patologiyalarının, o cümlədən ciftin qopması və s., vaxtından əvvəl doğuşların, az çəki ilə doğulmuş uşaqların, uşaqdlara bəzi patologiyaların (məsələn, autizmin) riskini azaldır.
Çox gözləmək də tövsiyə edilmir ki, bu hamiləliyin şansın azaldır. Belə ki, alimlər ilk doğuşdan sonra növbəti hamiləliyə qədər 4 il və bundan artıq gözləməyi tövsiyə etmirlər.
