BAKI, 24 noyabr — Sputnik. 5 il əvvəl hərbi çevrilişlə vəzifədən uzaqlaşdırılan, daha sonra həbs edilən Misirin demokratik yolla seçilmiş prezidenti Məhəmməd Mursidən yeni xəbər var. Sputnik Azərbaycan "Timeturk"-ə istinadən xəbər verir ki, onun oğlu Əhməd Mursi atasının səhhətinin pis olduğunu açıqlayıb.
Misirin sabiq prezidenti Məhəmməd Mursi
© AP Photo / Ahmed Omar
"5 ilə yaxındır ki, zindanda olan atamın vəziyyəti pisləşib. Rejim onun diabet olduğunu çox yaxşı bilir. Heç bir tibbi müdaxilə edilmir. Təcili əməliyyat olunmalıdır" — oğul Mursi deyib.
Sabiq dövlət başçısı Məhəmməd Mursiyə ən yaxın adamlardan olan Abdulmunim Abdulmaksud mediaya açıqlayıb ki, eks-prezidentin şəkəri çox aşağı düşüb və onun həyatı üçün təhlükə yaranıb.
