Azərbaycanın bu bölgəsində də qar yağıb

Şahpəri Abbasova, Sputnik Azərbaycan

BAKI, 23 noyabr — Sputnik. Son günlər ölkənin şimal-qərb bölgəsində qeyri sabit hava şəraiti hökm sürür. Belə ki, Qax rayonunun bəzi dağ kəndlərinə ilk qar yağıb. 

Noyabrın 22-si axşam saatlarından başlayaraq bölgəyə aramsız yağış yağır, rayonun İlisu, Ağçay və Sarıbaş kəndlərinə isə ilk qar yağmağa başlayıb. Qarın qalınlığı Ağçay kəndində 3-5 sm, İlisuda 5-7 sm, Sarıbaşda isə 8-10 sm təşkil edir.

Hazırda qarın yağması davam edir.