Ölkəmizdə qeyri-adi festival - İlk dəfə

Şahpəri Abbasova, Sputnik Azərbaycan

BAKI, 19 noyabr — Sputnik. Dünən Zaqatalada ilk dəfə "Fındıq-qoz-şabalıd" adlı beynəlxalq festival keçirilib. Sputnik Azərbaycan-ın bölgə müxbiri xəbər verir ki, festivalda qonaqlar rayon iqtisadiyyatının əsasını təşkil edən fındıq, qoz və şabalıddan hazırlanan zəngin mətbəx nümunələrindən dadıblar.

Tədbirdə milli mətbəxlə yanaşı, Balakən, Qax və Şəki rayonlarının sənətkarlarının əl işləri də nümayiş olunub. Festival zamanı rayonda fəaliyyət göstərən dərnəklərin, təhsil və tədris mərkəzlərinin yetirmələrinin ifasında rəqs və musiqi nömrələri səslənib. Mərasimdə rayon rəhbərliyi ilə yanaşı, millət vəkilləri və xarici ölkələrin Azərbaycandakı diplomatik nümayəndələri iştirak ediblər.