BAKI, 19 noyabr — Sputnik. Türkiyədə, terror və digər cinayətlərin qarşısının alınması istiqamətində yeni addım atılıb. Sputnik Azərbaycan Türkiyə mətbuatına istinadla xəbər verir ki, ölkənin Daxili İşlər Nazirliyi (DİN), internet üzərindən törədilən cinayətlərə qarşı mübarizəyə başlayıb.
Belə ki, başda terror təşkilatları olmaqla, cinayətkar qruplaşmaların virtual mühitdə ünsiyyət və təşəbbüskarlıq fəaliyyətlərini nəzarətdə saxlayan DİN, 500-ə yaxın hakerlə müqavilə imzalayıb. Bundan sonra həmin hakerlər virtual aləmdə fahişəliyi təbliğ edən, qumar oynayan, terrorçu və digər cinayətkarları tapıb ortaya çıxaracaq.
