BAKI, 14 noyabr — Sputnik. Gürcüstanda son 2 ayda yanacağın qiymətində artım müşahidə olunur. Sputnik Azərbaycan-ın xəbərinə görə, APA bu barədə Gürcüstanın Neft Məhsulları İdxalçıları Birliyinə istinadla məlumat yayıb.
Qeyd edilir ki, yanacağın qiyməti orta hesabla 10 tetri bahalaşıb. Oktyabr-noyabr aylarında dizel yanacağının qiyməti 6-11 tetri, benzinin qiyməti isə 5-10 tetri artıb.
Gürcüstanda yanacağın qiymətinin artması dünya bazarında neftin qiymətinin artması, dollar və avronun milli valyuta olan lariyə qarşı bahalaşması ilə əlaqələndirilir.
