BAKI, 13 noyabr — Sputnik. Filippində ABŞ prezidentinin Asiya səfərinə etiraz əlaməti olaraq aksiya keçirilib. Sputnik Azərbaycan Rusiya mətbuatına istinadla xəbər verir ki, etirazçılar Trampın simvolik maketini yandıraraq Amerika imperilizminə qarşı etirazlarını bildiriblər.
Etirazçılar "Amerika imperialistləri", "Amerika hərbi maşınları dayan!" şüarları səsləndirib, həmçinin əlində tapança, raket və pul dolu çanta tutmuş Trampın maketini və ABŞ bayrağını yandırıblar. Məlumatlara görə, aksiyada 3 mindən çox etirazçı iştirak edib.
