Fikrət Sadıxov: “Bu iki ölkə arasında gərginlik hələ davam edəcək”
“Səudiyyə Ərəbistanı və İran arasında baş verənlər regional qarşıdurmadır”. Bunu Sputnik Azərbaycan-a açıqlamasında politoloq Fikrət Sadıxov deyib.
“Onların təsir dairəsi uğrunda mübarizəsi uzun illərdir ki, davam edir. Bu iki ölkə arasında gərginliyin davam etməsi, ümumilikdə yaxın şərq regionundakı vəziyyətlə bağlıdır. Bu gərginlik hələ davam edəcək” — deyə o bildirib.
Qeyd edək ki, Səudiyyə Ərəbistanının havadan müdafiə sistemləri Ər-Riyadın şimal-şərq hissəsində ballistik raketi vurublar. Səudiyyə Ərəbistanı İranın terrorçulara ballistik raketlər verdiyini iddia edir.
