BAKI, 6 noyabr — Sputnik. ABŞ-ın San-Antonio şəhərində (Texas ştatı) naməlum şəxs Saterlend Sprinqs icmasına məxsus "Birinci Baptist" kilsəsinə daxil olaraq atəş açıb.
Sputnik Azərbaycan-ın verdiyi xəbərə görə, polis insident nəticəsində çoxlu sayda ölən və yaralananların olduğu bildirib. Uilson mahalının inzibati rəhbəri Albert Geymz 27 nəfərin hadisə nəticəsində öldüyünü deyib. Hadisə həmçinin 24 nəfərin yaralanması ilə nəticələnib.
Atəşi açan şəxs polis tərəfindən öldürülüb.
