Yadplanetlilərin Bakıya hücumu

Bakıda UFO fantastik sirk şousunun premyerası keçirilib. Adından göründüyü kimi, şounun rejissoru Askold Zapaşnı yadplanetlilər mövzusu ilə maraqlanır. Tamaşanın süjetinin əsasını gəlmələr tərəfindən oğurlanan qəhramanın hekayəti təşkil edir.

Tamaşaçılar uzaq planetlərə səyahət edirlər, yadplanetlilərlə görüşürlər, bir sözlə, unudulmaz şounu gözləri ilə görürlər. 

Əsas rolun ifaçısı Adam Talini isə xüsusi qeyd etmək lazımdır.

Ümumilikdə tamaşada 80 nəfərdən artıq insan iştirak edir. Onların çoxu Zapaşnı qardaşlarının rəhbərlik etdiyi Moskva Böyük Sirkinin artistləridir. Lakin əvvəllər sirkdə işləməmiş, xüsusi olaraq bu şou üçün seçilmiş şəxslər də var.

Tamaşanın xüsusi effektlərini isə ayrıca qeyd etmək lazımdır.