BAKI, 5 noyabr — Sputnik. Ağcabədi rayonunda iki “VAZ” markalı avtomobil toqquşub.
APA-nın xəbərinə görə, hadisə rayonun Boyat kəndində baş verib.
Hadisə nəticəsində Boyat kənd sakini, 1979-cu il təvəllüdlü Mirzəyev Şamil Ramiz oğlu və 1997-ci il təvvəllüdlü Ağdam rayonu, Mahrızlı kənd sakini Məmmədov Rahib Sahib oğlu xəsarət alıb, bir nəfər isə həlak olub.
Yaralılar Ağdam Mərkəzi Rayon Xəstəxanasına çatdırılıb, vəziyyətləri orta ağırdır. Qəza nəticəsində həyatını itirən şəxsin kimliyi müəyyənləşdirilir.
Faktla bağlı araşdırma aparılır.
