BAKI, 4 noyabr — Sputnik. "Alex745alexandro" nikli Türk YouTuber Əli Can, dünən günorta infarkt keçirərək, dünyasını dəyişib.
Sputnik Azərbaycan Türkiyə mətbuatına istinadla xəbər verir ki, xalası oğlu Salih İşinmişin sözlərinə görə, Əli Can dünən yük boşaltdıqdan sonra özünü yorğun hiss etdiyini deyib və avtomobilində yuxuya gedib. Bu zaman o keçirdiyi infarkt səbəbilə dünyasını dəyişib. Almaniyada yaşayan Əli Can Nevşehirin Ürgüp rayonu, Ortahisar qəsəbəsində dəfn ediləcək.
Əli Can daha çox "Tır" idarə edərkən çəkdiyi videolarla Youtube-da fenomen olmuşdu. Hamı onu internetdə "Tırçı Əli" ləqəbi ilə tanıyırdı.
