BAKI, 2 noyabr — Sputnik. Bu gün səhər İraqın şimalından Türkiyəyə keçməyə çalışan PKK terrorçuları ilə Türkiyənin təhlükəsizlik qüvvələri arasında atışma olub. Sputnik Azərbaycan "Hürriyet"ə istinadla xəbər verir ki, atışmada təhlükəsizlik qüvvələrinin 8 əməkdaşı (6-sı hərbçi, 2-si jandarma əməkdaşı) şəhid olub, 2 əsgər yaralanıb, 5 terrorçu isə məhv edilib.
Bölgədə helikopter dəstəyi ilə genişmiqyaslı əməliyyata başlayıb. Bölgədə havanın dumanlı olduğu, pis hava şəraitində qarşını görmənin çətinləşdiyi qeyd olunub.
