Mənsur Bərxudarov: “Bu layihə iştirakçı ölkələrin iqtisadiyyatına gəlirlər gətirəcək”
“Azərbaycanın beynəlxalq nəqliyyat sisteminə qoşulması Şərq-Qərb arasında körpü rolunu oynayan ölkəmiz üçün əlavə dividentlər gətirəcək”. Bunu Sputnik Azərbaycan-a açıqlamasında Azərbaycan Dövlət İqtisad Universitetinin (UNEC) dosenti Mənsur Bərxudarov deyib.
“Bu, İpək Yolunun bərpasında, işə salınmasında əlavə müsbət təsir göstərən layihələrdən biri kimi səciyyələnir. Bundan başqa, Qərbi Avropa ölkələri, Mərkəzi Asiya və Çin arasında körpü rolu oynayan bu dəmir yolu bunların da iqtisadiyyatına gəlirlər gətirəcək. Bu layihələrin Azərbaycana birbaşa səmərəsi mövcuddur və indiyədək bütün layihələr Azərbaycan iqtisadiyyatına müsbət təsir göstərir” — deyə o bildirib.
