BAKI, 1 noyabr — Sputnik. Azərbaycan Milli Məclisinin sabiq deputatı Nizami Quliyev vəfat edib.
Sputnik Azərbaycan-ın məlumatına görə, bu barədə "Bizim Yol" qəzetinin baş redaktoru Bahəddin Həziyev öz facebook səhifəsində məlumat verib.
Xatırladaq ki, Nizami Quliyev I və II Çağırış Azərbaycan Respublikası Milli Məclisinin deputatı olub. O, 73 saylı Gədəbəy seçki dairəsindən deputat seçilib. Əvvəllər AXCP-nin rəhbərliyində təmsil olunan N.Quliyev son illərdə Qulamhüseyn Əlibəylinin rəhbərlik etdiyi Aydınlar Partiyasının Ali Məclisinin sədri idi.
1956-cı il təvəllüdlü sabiq millət vəkilinin qəflətən, qan təzyiqinin qalxması nəticəsində vəfat etdiyi bildirilir.
Allah rəhmət eləsin!
