BAKI, 31 oktyabr — Sputnik. Cinayət Məcəlləsinin 236-cı maddəsinə (Narkotik vasitələrin və ya psixotrop maddələrin istehlakına təhrik etmə) yeni cəza — azadlığın məhdudlaşdırılması əlavə olunub. Sputnik Azərbaycan-ın məlumatına görə, 236.1-ci maddənin sanksiyasında "iki" sözündən əvvəl "iki ildən beş ilədək müddətə azadlığın məhdudlaşdırılması və ya" sözləri əlavə edilib.
Həmin maddəyə təklif olunan variantda deyilir ki, narkotik vasitələrin və ya psixotrop maddələrin istehlakına təhrik etmə — 2 ildən 5 ilədək müddətə azadlığın məhdudlaşdırılması və ya 2 ildən 5 ilədək müddətə azadlıqdan məhrum etmə ilə cəzalandırılır.
Mövcud variantda isə deyilir ki, narkotik vasitələrin və ya psixotrop maddələrin istehlakına təhrik etmə — 2 ildən 5 ilədək müddətə azadlıqdan məhrum etmə ilə cəzalandırılır.
Qeyd edək ki, dəyişiklik oktyabrın 20-də parlamentin iclasında birinci oxunuşda səsə qoyularaq qəbul edilib.
