BAKI, 27 oktyabr — Sputnik. Birləşmiş Ştatlar Konqresinin Nümayəndələr Palatası İrana dair yeni sanksiyalar paketinə səs verib. Sputnik Azərbaycan "Washington Post"-a istinadən xəbər verir ki, Konqres İranın uzaq mənzilli raket proqramına qarşı ciddi tədbir görməyə hazırlaşır.
Nümayəndələr Palatasına təqdim olunan qanunun müəllifləri respublikaçı konqresmenlər Eliot Engel və Ed Roysdur. 423 səs çoxluğu ilə qəbul edilən qanun layihəsi, İranın uzaq mənzilli raket proqramının qarşısını almaq üçün sanksiyaları nəzərdə tutur.
Konqresdə qəbul edilən sanksiyalar paketi, prezident Donald Trampın imzasından sonra qüvvəyə minəcək.
