Deputata qarşı sui-qəsdin videosu yayıldı

© Sputnik / STR / Mediabanka keçidUkrayna radasının iclası, arxiv şəkli
Ukrayna radasının iclası, arxiv şəkli - Sputnik Azərbaycan
Xəbərlərə abunə olun
НовостиTelegram
"Espresso" telekanalı Ukrayna Ali Radasının deputatı İqor Mosiyçukun yaralandığı və iki nəfərin öldüyü partlayış anının videosunu yayımlayıb

BAKI, 26 oktyabr — Sputnik. "Espresso" telekanalı Ukrayna Ali Radasının deputatı İqor Mosiyçukun yaralandığı və iki nəfərin öldüyü partlayış anının videosunu yayımlayıb.

Videoçarxda 3 nəfərin binadan çıxdığı görünür. Elə bu an həyətdə park edilmiş nəqliyyat vasitəsi partlayır. Partlayış anından az əvvəl maşınların yanından bir kişinin keçdiyi görünür.

Radikal partiyanın deputatına qarşı təşkil olunan sui-qəsd oktyabrın 25-də, Adam Mitskeviç küçəsində, "Espresso" telekanalının redaksiyası yaxınlığında yerləşən beşmərtəbəli yaşayış binasının qarşısında baş verib.

Radikal partiyasının lideri Oleq Lyaşkonun verdiyi məlumata görə, partlayış nəticəsində iki polis — Mosiyçukun mühafizəçisi Ruslan Kuşnir və qonşuluqda yaşayan 36 yaşlı polis kapitanı Mixail Mormel vəfat edib.

Ekspert-kriminalistlər müəyyən ediblər ki, partlayıcı qurğu maşının yanındakı motorollerə quraşdırılıb.

Partlayış faktı ilə bağlı Ukrayna Cinayət Məcəlləsinin 258-ci maddəsi ilə ("Terror aktı") cinayət işi açılıb. İşi Ukrayna Təhlükəsizlik Xidməti araşdırır.

Xəbər lenti
0