Adil Qeybulla: “Şadlıq evlərində və restoranlarda qadağalara riayət edilmir”
“Qapalı məkanlarda siqaret çəkilməsinə qadağa ilə bağlı qanun sərtləşdirilməlidir”. Bunu Sputnik Azərbaycan-a açıqlamasında tibb elmləri doktoru Adil Qeybulla deyib.
“Şadlıq evlərində, restoranlarda bu qadağaya riayət edilmir. Bu cür qadağaların sərtləşdirilməsinə ehtiyac var. Şadlıq evlərində vəziyyət ümumiyyətlə çox pisdir. Bu, mədəniyyətə bağlı bir məsələdir” — deyə o bildirib.
Qeyd edək ki, Milli Məclisin əmək və sosial siyasət komitəsi tərəfindən hazırlanan “Tütün istehlakının məhdudlaşdırılması haqqında” qanun layihəsində fərdi iş otaqları və yaxud xüsusi ayrılmış qapalı yerlərdə siqaret çəkilməsinə icazə verilir.
