BAKI, 21 oktyabr — Sputnik. Ankara ilə müzakirələri dayandırmağa çalışan Avropa İttifaqı indi də Türkiyəyə verilən maliyyə yardımlarını məhdudlaşdırmağı nəzərdən keçirmək qərarı verib.
Sputnik Azərbaycan "Hürriyet"ə istinadla xəbər verir ki, Almaniyanın təşəbbüsü ilə Avropa İttifaqı liderləri Avropa Komissiyasına maliyyə yardımlarını azaltmaq və ya yardım resurslarının yenidən istiqamətləndirilməsi üçün icazə verib.
2014-2020-ci illər üçün Türkiyəyə ayrılan yardımın həcmi 4,45 milyard avro təşkil edir. İndiyədək 368 milyon avroluq layihə ilə bağlı müqavilə bağlanıb. 258 milyon avro isə ödəniş olub. Müzakirə prosesi davam edərkən, bu yardımların tamamilə kəsilməsinə icazə vermək üçün heç bir hüquqi əsas yoxdur.
