BAKI, 16 oktyabr — Sputnik. Azərbaycan Respublikasının Prezidenti İlham Əliyev Sooronbay Jeenbekova Qırğızıstan prezidenti vəzifəsinə seçilməsi münasibətilə təbrik məkltubu göndərib.
Sputnik Azərbaycan xəbər verir ki, təbrikdə deyilir:
"Hörmətli cənab Jeenbekov,
Qırğız Respublikasının Prezidenti vəzifəsinə seçilməyiniz münasibətilə Sizi ürəkdən təbrik edirəm.
Ümidvaram ki, Azərbaycan ilə Qırğızıstan arasındakı ənənəvi dostluq və əməkdaşlıq münasibətlərinin inkişafı və möhkəmləndirilməsi yolunda birgə səylər göstərəcəyik.
Sizə möhkəm cansağlığı, xoşbəxtlik, qardaş Qırğızıstan xalqının rifahı naminə qarşıdakı fəaliyyətinizdə uğurlar diləyirəm".
